Virjiniya shtati gubernatori Ralf Nortem “Dorian” to‘foni sabab favqulodda holat e’lon qildi, deb xabar beradi “RBK”.
“Dorian” to‘foni — jiddiy xavf bo‘lib, ayni vaqtdagi tahlillarga ko‘ra, u Virjiniyaning ayrim hududlariga zarar yetkazishi mumkin”, — deydi gubernator.
Nortemning aytishicha, u aholi punktlarining kerakli darajada yordam olishlarida hukumat harakatlarini muvofiqlashtirish va resurslarni ko‘chirish maqsadida favqulodda holat e’lon qilgan. Gubernator shtat aholisidan xavfsizlik choralarini ko‘rishga va to‘fonga tayyor turishga chaqirdi.
Avvalroq, “Dorian” to‘foni sabab Bagam orollarida besh kishi halok bo‘lgani haqida xabar berilgandi.
Izoh (0)