G‘uzorda 39 yoshli ayol 27 yoshli ona va uning 2 yoshli farzandini o‘ldirishda gumon qilinmoqda. Bu haqda “Daryo”ga Qashqadaryo viloyat IIB matbuot xizmati ma’lum qildi.
G‘uzor tuman IIBga 28-avgust kuni “Yangikent” mahalla fuqarolar yig‘ini Yangikent qishlog‘ida yashovchi, 1992-yilda tug‘ilgan X.R. va uning voyaga yetmagan farzandi, 2017-yilda tug‘ilgan X.A.ning jasadi soat taxminan 16:30 da topilgani haqida xabar kelib tushgan.
O‘rganish davomida yashash uyi dahlizida marhumaning bo‘yin sohalarining o‘ng yonbosh qismidan chap tomon quloq sohasiga qadar o‘tkir tig‘li jism bilan kesilgan holatining alomatlari aniqlangan. Voqea joyidan uzunligi 20 santimetr bo‘lgan qo‘lbola pichoq topilgan.
DXX viloyat boshqarmasi, viloyat prokuraturasi va IIB tomonidan olib borilgan tergov-tezkor harakatlari davomida ushbu qotillikni sodir etishda gumonlanib marhuma ayolning hamqishlog‘i, muqaddam sudlanmagan, uy bekasi, 1980-yilda tug‘ilgan I.S. qo‘lga olingan.
Ushbu xolat yuzasidan G‘uzor tumani prokuraturasi tomonidan jinoyat ishi quzg‘atilib, tergov harakatlari olib borilmoqda.
Izoh (0)