Human Rights Watch O‘zbekiston hukumatini “Jasliq”dagi qonunbuzarliklarni tekshirishga chaqirdi

Human Rights Watch xalqaro inson huquqlari tashkiloti O‘zbekiston rasmiylarini “Jasliq”da amalga oshirilgan qonunbuzarliklar yuzasidan mustaqil tekshiruv o‘tkazishni boshlashga chaqirdi.

“Aybdorlar javobgarlikka tortilishi, jabrlanuvchilar va ularning oilasiga tovon puli to‘lanishi kerak”, — deyiladi tashkilot bayonotida.

Inson huquqlari himoyachilarining fikricha, “Jasliq”ning yopilishi O‘zbekistonning inson huquqlariga oid eski reputatsiyasining o‘zgarishiga imkon beradi.

“O‘zbekistonda boshqa ‘Jasliq’ bo‘lmasligi kerak”, — deb ta’kidlaydi HRW vakillari.

Ma’lumot uchun, Prezident Shavkat Mirziyoyev 2-avgust kuni “Jasliq koloniyasini tugatish” to‘g‘risidagi qarorni imzolagan. Bu qarorni BMT va Yevropa ittifoqi qo‘llab-quvvatlagan edi.