Fransiyada G7 sammiti chog‘ida politsiyaga hujum qilishni rejalashtirgan besh kishi qo‘lga olindi

Fransiya huquq-tartibot organlari besh kishini qo‘lga oldi, ular Biarritsda G7 sammitini o‘tkazish chog‘ida politsiya xodimlari yashab turishi kerak bo‘lgan mehmonxonaga hujumni rejalashtirishda gumon qilinmoqda, deb yozadi “RIA Novosti”.

BFM telekanali ma’lumotlariga ko‘ra, 24 yoshdan 45 yoshgacha bo‘lgan to‘rt erkak va bir ayol 19-avgust kuni Tur va Kapbreton shaharlarida qo‘lga olingan. Gumonlanuvchilar ijtimoiy tarmoqlarda huquq-tartibot organlari xodimlari joylashadigan joylarni muhokama qilgan. Ular “mehmonxonaga o‘t qo‘yish” versiyasini ko‘rib chiqqan.

G7 sammiti 24—26-avgust kunlari Fransiya janubi-g‘arbidagi Biarrits shahrida bo‘lib o‘tadi.