Armaniston Oliy sud kengashi mamlakatning sobiq prezidenti Robert Kocharyanni ozod qilgan sudya David Grigoryanga nisbatan jazo chorasini qo‘lladi, deb xabar beradi “Gazeta.ru”.
Ta’kidlanishicha, kengash sudya Grigoryanning vakolatini to‘xtatib qo‘yishga qaror qilgan. U 2019-yilning may oyida Armanistonning sobiq prezidentini tan olinmagan Tog‘li-Qorabog‘ respublikasining yetakchilari kafilligi ostida ozod qilgan edi.
Armanistonning sobiq prezidenti 2018-yil iyul oyida namoyishlarni tarqatib yuborishda birinchi marta hibsga olingan. Bir oy o‘tgach, u qamoqdan ozod etilgan, chunki apellyatsiya sudi Kocharyanning sobiq davlat rahbari sifatida immunitetiga ega ekanligini ko‘rsatgan. Biroq 2018-yilning dekabrida u yana qo‘lga olingan. Aprel oyi oxirida Armaniston Bosh prokuraturasi Kocharyan ishi bo‘yicha ayblov xulosasini tasdiqlagan; 13-may kuni ish sud tomonidan ko‘rib chiqila boshlangan.
Robert Kocharyan 1998-yildan 2008-yilgacha Armaniston prezidenti lavozimida faoliyat ko‘rsatgan.
Izoh (0)