Конго Демократик Республикаси шарқида жойлашган Бени шаҳри яқинида жангарилар ҳужум қилиши оқибатида тинч аҳолининг 12 нафари ўлдирилди. Бу ҳақда Касереки Донат маҳаллий ҳукумати вакиллари берган маълумотга таяниб, Reuters хабар берди.
«ТАСС»нинг ёзишича, жангарилар Эринджети ва Ойче қишлоқларига ҳужум қилган. Аҳолининг аксарияти қишлоққа туташ бўлган ўрмонларга қочиб қутилган. «Ушбу ҳудудда Конго армияси жойлаштирилганига қарамай, маҳаллий аҳоли жангариларнинг доимий ҳужумидан ҳавотирда яшамоқда», — деган Донат.
Ҳукумат ҳозирги ҳужумлар ортида Демократик кучлар иттифоқи турганини тахмин қилмоқда. Конго Демократик Республикаси шарқида улар ИШИД террорчилик гуруҳи билан рақобатлашади.
Таъкидланишича, минтақа яқинда Эбола вируси оқибатида тарқалган касаллик маркази бўлгани сабабли ҳудуддаги вазият янада кескинлашмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)