Ўзбкистонни 2030 йилга бориб иқтисодиёти ўртадан юқори даромадли мамлакатлар қаторига қўшиш ва жон бошига ЯИМни 4500 долларга етказиш прогноз қилинмоқда. Бу ҳақда 22 июль куни Иқтисодиёт ва саноат вазирлиги вакиллари билан бўлиб ўтган очиқ мулоқотда маълум қилинди, дея хабар бермоқда «Дарё» мухбири Мусулмонбек Иброҳимов.
Иқтисодиёт ва саноат вазирлиги мутасаддиларининг таъкидлашича, Ўзбекистонни 2030 йилга қадар ижтимоий-иқтисодий комплекс ривожлантириш концепсиясида қуйидагиларни амалга ошириш режалаштирилмоқда:
- Институционал ислоҳотларни амалга ошириш, мамлакат иқтисодиётини барқарор ўсишини таъминлаш орқали тадбиркорлик фаолияти учун қулай шарт-шароитлар яратиш.
- Мамлакат ижтимоий-иқтисодий жабҳаларини эркинлаштиришга ва бозор иқтисодиёти бошқарув механизмларини жорий этишга қаратилган ислоҳотларни амалга оширган ҳолда пул-кредит ва солиқ-бюджет инструментларидан самарали фойдаланиш.
- Саноатнинг қайта ишлаш тармоғида қўшилган қийматнинг давомий занжири жадал ўсиши ва нохомашё бозорларни кенгайтириш учун зарурий шароитлар яратиш.
- Қишлоқ хўжалигида ресурсларни тақсимлаш, нарх шаклланишининг бозор механизмларига босқичма-босқич ўтиш, ер ва сувдан фойдаланишнинг самарали янги механизмларини жорий этиш.
- Хизматлар соҳасида рақобат муҳитини ривожлантириш, юқори қўшилган қийматга эга соҳаларни рағбатлантириш.
- Таълим тизими сифатини оширишда жаҳон стандартларини жорий этиш, аҳолини таълим хизматлари билан қамраб олиш даражасини ошириш, таълим муассасалари моддий техник базасини мустаҳкамлаш.
- Сифатли тиббиёт хизматларига аҳолини фойдаланиш имкониятлари самарадорлигини кескин оширишни, замонавий тиббиёт илм-фан ва технологияларини жорий этишни таъминловчи соғлиқни сақлашнинг янги моделини шакллантириш.
- Давлат томонидан кафолатланган аҳолини ижтимоий ҳимоя қилиш тизимини такомиллаштириш.
- Рақобатбардош ва экспортга йўналтирилган ишлаб чиқаришни ривожлантириш ва ташкил этиш мақсадида ишлаб чиқариш, мухандислик – коммуникация, йўл – транспорт, ижтимоий инфратузилма ва логистика хизматларини жадал ривожлантириш.
- Узлуксиз касб-ҳунар таълими тизимини такомиллаштириш, ёшларни қайта тайёрлаш ва малакасини ошириш орқали меҳнат ресурслари рақобатбардошлигини ошириш муаммосини ҳал этиш.
- Инвестиция, тармоқ дастурларини ишлаб чиқиш ва амалга ошириш, кластерлар, эркин иқтисодий ва кичик саноат зоналари, инновацион технопарклар ҳамда янги корхоналарни асосан меҳнат бозоридаги кескин вазиятга эга ҳудудларда жойлаштириш асосида янги иш ўринларини яратиш жараёнини жадаллаштириш.
- Миллий иқтисодиётнинг рақобатдошлигини барқарор ўсиш ва ҳудудларни комплекс ривожланишини таъминловчи инвестиция ва бизнес муҳитини яхшилаш.
- Ишлаб чиқариш кучларини оқилона тақсимлаш, ҳудудларнинг мавжуд табиий-иқтисодий салоҳиятдан ва рақобат устунликларидан максимал даражада фойдаланиш орқали ҳудудларнинг барқарор ижтимоий-иқтисодий ривожланишини таъминлаш.
- Иқтисодий ва ишлаб чиқариш ресурсларидан фойдаланишни кенгайтириш, технопарклар тизимини яратиш, ишбилармонлик зоналарини ривожлантириш, шаҳарлардаги турар-жой биноларини қуришда инвестицияларни қўллаб-қувватлашни назарда тутувчи махсус чора-тадбирлар орқали тубдан янги уй-жой сиёсатини амалга ошириш билан урбанизация жараёнини маъмурий тартибга солишнинг ишончли тизимини яратиш.
- Кичик бизнес ва хусусий тадбиркорликни ҳар томонлама қўллаб-қувватлаш ва рағбатлантириш, тадбиркорлик субъектларини давлат томонидан бошқаришни қисқартириш, молиявий ва товар хомашё ресурслари бозоридан фойдаланишда бозор механизмларини қўллаш.
Изоҳ (0)