Kogon tumani Sargun mahallasida yashovchi fuqaro N.A.ning yozgan arizasi asosida tezkor tadbir o‘tkazildi. Bu haqda Buxoro viloyat IIB matbuot xizmati ma’lum qildi.
Arizadan ma’lum bo‘lishicha, Buxoro shahri, Losha mahallasida yashovchi, Kogon tuman ko‘p tarmoqli markaziy poliklinikasi shifokori lavozimida ishlovchi 43 yoshli F.S. 100 AQSh dollari evaziga N.A.ning tug‘ma aqli zaif farzandiga 2-guruh nogironligini olib berishni va’da qilgan.
U Buxoro shahrining Alpomish ko‘chasida joylashgan tibbiyot birlashmasiga qarashli shahar kasalxonasi oldida talab qilingan puldan 700.000 so‘mni olgan vaqtida viloyat IIB JQB xodimlari tomonidan jinoyat ustida ushlangan.
Mazkur holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)