Хитойлик божхоначилар Синьцзяндаги айрим ўтказиш пунктлари орқали мамлакатга кираётган туристларнинг смартфонини текширишда жосуслик дастурларидан фойдаланмоқда. Вирус қурилмани сканер қилиб, ундан маълумотларни ҳукуматга топширади, деб хабар беради TJournal.
BXAQ номини олган жосуслик дастури смартфондаги телефон рақамлар, хабарлар, қўнғироқлар тарихи, календардаги қайдлар, шунингдек, ижтимоий тармоқдаги никларини ҳам кўчириб олади. Шундан сўнг дастур йиғилган маълумотларни ҳисобот шаклида махсус серверга юборади.
Журналистларнинг таъкидлашича, ҳозирча мазкур дастур Қирғизистон орқали Хитойга кириб келаётган фуқароларнинг телефонига ўрнатилмоқда. Туристлардан телефонини топширишдан олдин уни блокдан чиқариб беришларини талаб қилишмоқда. Ҳозирча жосуслик дастурини камида бир нафар турист, шунингдек, Süddeutsche Zeitung газетаси мухбири ўз телефонидан топган.
Маълумотларга кўра, бу каби кузатувлар мусулмон озчилигига, жумладан, Хитой шимолида истиқомат қилувчи уйғур халқига қарши йўналтирилган.
Изоҳ (0)