2017-yil Rossiyaning Vladimir viloyatida 2 nafar Qozog‘iston fuqarosi boshqaruvida bo‘lgan avtobus Sankt-Peterburg — Nijniy Novgorod yo‘nalishida harakatlanayotgan poyezdga urilishi bilan bog‘liq holat yuzasidan sud bo‘lib o‘tdi, deb yozadi UZ24.
Petushinsk tumani sudi sodir etilgan jinoyat og‘irligini, Sharqiy transport prokuraturasi vakili – davlat ayblovchisining nuqtai nazarini, sudlanuvchi shaxslar haqidagi ma’lumotlarni hisobga olgan holda, ayblanuvchilarning har birini 5 yil 6 oy muddatga ozodlikdan mahrum qilish jazosi tayinladi. Bu haqda Rossiya Bosh prokuraturasi matbuot xizmati xabar qildi.
Eslatib o‘tamiz, 2017-yil 6-oktabr kuni Rossiyaning Vladimir oblastida avtobus va poyezd to‘qnashuvi oqibatida avtobusda bo‘lgan 56 nafar o‘zbekistonlikdan 19 nafari halok bo‘lgandi.
Izoh (0)