2017 йил Россиянинг Владимир вилоятида 2 нафар Қозоғистон фуқароси бошқарувида бўлган автобус Санкт-Петербург — Нижний Новгород йўналишида ҳаракатланаётган поездга урилиши билан боғлиқ ҳолат юзасидан суд бўлиб ўтди, деб ёзади UZ24.
Петушинск тумани суди содир этилган жиноят оғирлигини, Шарқий транспорт прокуратураси вакили – давлат айбловчисининг нуқтаи назарини, судланувчи шахслар ҳақидаги маълумотларни ҳисобга олган ҳолда, айбланувчиларнинг ҳар бирини 5 йил 6 ой муддатга озодликдан маҳрум қилиш жазоси тайинлади. Бу ҳақда Россия Бош прокуратураси матбуот хизмати хабар қилди.
Эслатиб ўтамиз, 2017 йил 6 октябрь куни Россиянинг Владимир областида автобус ва поезд тўқнашуви оқибатида автобусда бўлган 56 нафар ўзбекистонликдан 19 нафари ҳалок бўлганди.
Изоҳ (0)