Rejissor Yusuf Roziqovning onalar haqidagi filmi “Kinotavr” kinofestivali hakamlarini yig‘latdi

23-iyun kuni Rossiyaning Sochi shahrida “Kinotavr” ochiq kinofestivali yakunlandi, deb xabar berdi Sputnik.

Ushbu kinofestifalda taniqli rejissor Yusuf Roziqovning “Kinotavr” filmi ham sovrindor bo‘ldi.

Onalar haqidagi “Kerosin” filmi festivalga tashrif buyurgan tomoshabinlarda katta taassurot qoldirdi. Aktyorlarning mahoratli ijrosi, kino tilining ta’sirchanligi, ajoyib dramaturgiya yuqori baholandi.

Aksariyat tomoshabinlar filmni ko‘rish jarayonida ko‘z yoshini yashira olmadi.

“Men juda ta’sirlandim. Yusuf Roziqovning “Kerosin” filmi! Qanday qilib, bunday film ishlash mumkinligiga ishona olmayman. Har bir kadr, fikr, aktrisa! Yusuf, menga bugun o‘zing ham film so‘ngida biz kabi yig‘laganingni aytding!  Men shu o‘zbekning filmidan boshqa Rossiya haqidagi ta’sirli narsa ko‘rmadim”, — deb yozdi rejissor Dmitriy Fyodorov.