19—22-iyun kunlari akkreditatsiya bo‘yicha Osiyo-Tinch okeani hamkorligi Bosh Assambleyasining (APAC) 2019-yildagi birinchi majlisi Singapurda bo‘lib o‘tdi. Bu haqda “O‘zstandart” agentligi matbuot xizmati “Daryo”ga xabar berdi.
Bugungi kunda APAC yirik mintaqaviy akkreditatsiya bo‘yicha hamkorlik bo‘lib, maqsadlari va faoliyati jahon savdosini yengillashtirishga va uning a’zolariga butun dunyoda akkreditatsiya natijalarini tan olish imkonini berishga qaratilganligi bilan ahamiyatlidir.
Bosh Assambleyaning yig‘ilishda imzo chekuvchi va uyushgan a’zo davlatlarning rivojlanish va taraqqiyot hamkorlik yo‘lini belgilaydigan APAC uchun strategik rejani ishlab chiqish rejalashtirilgan.
Mazkur yig‘ilishi doirasida xalqaro standart ISO / IEC 17011 bo‘yicha seminar, boshqaruvchi kengashning hamda o‘zaro tan olish to‘g‘risida Kelishuv – APAC MRA salohiyatni oshirish bo‘yicha qo‘mitaning ishchi majlislari, chet ellik sheriklar va milliy akkreditatsiya idoralarining vakillari o‘rtasida muzokaralar o‘tkazildi.
Izoh (0)