O‘zbekistonning madaniy boyliklari 2021-yilda Luvrda bo‘lib o‘tadigan ko‘rgazmada namoyish etilishi mumkin. Bu haqda “Yuksalish” umummilliy harakati vakillari va Clone Cultural Properties innovatsion markazi ekspertlari o‘rtasida bo‘lib o‘tgan uchrashuvda ma’lum qilindi.
Uchrashuvda Tokio san’at universiteti professori Masaaki Miyasako va Yaponiyaning Ilm-fan va texnologiyalar agentligi prezidenti Michinari Xamaguchi ishtirok etib, 3D-klonlashtirish texnologiyalari asosida O‘zbekistonning madaniy boyliklarini nusxani yaratish va yo‘qolgan qismlarini qayta tiklash ishlarini amalga oshirishga tayyorliklarini bildirdi.
O‘z navbatida, “Yuksalish” umummilliy harakati mas’ul vazirlik va idoralar bilan ushbu yo‘nalishdagi ishlarni muvofiqlashtirishda ko‘maklashadi.
Izoh (0)