Farg‘ona viloyatining Qo‘qon shahridagi harbiy shaharcha hududida ilk bor harbiy mahalla tashkil etildi. Bu haqda “Daryo”ga Mudofaa vazirligi matbuot xizmati ma’lum qildi.
Ayni paytda Amir Temur nomli mahallada 300 dan ortiq harbiy xizmatchi oilasi istiqomat qilmoqda. Prezident tomonidan ilgari surilgan 5 tashabbus ham ushbu hududda amalyotga tatbiq qilinmoqda.
“Hammadan ham bolajonlarning sevinchi ichiga sig‘mayapti. Boisi endi ular uyi yaqinidagi san’at, sport va kompyuter savodxonligi bo‘yicha to‘garaklarda bilimlarini oshirishi mumkin. Ziyo maskani bo‘lgan kutubxona esa allaqachon mutolaaga oshno yoshlar bilan gavjum bo‘lib ulgurgan”, — deyiladi xabarda.
Izoh (0)