Samarqand viloyatida B.M. boshqaruvidagi MAN rusumli yuk mashinasiga solyarka yoqilg‘isini quyayotgan vaqtida yong‘in yuz berdi.
IIV Jamoatchilik va OAV bilan aloqalar boshqarmasi xabariga ko‘ra, hodisa 17-iyun kuni Paxtachi tumanidan o‘tuvchi avtomagistral yo‘lining 127-kilometrida sodir bo‘lgan.
Oqibatda yuk avtomashinasining old kuzovi, motor qismi va old tomon g‘ildiraklari yonib zarar ko‘rgan hamda yong‘in o‘chirish vaqtida haydovchi B.M. va uning 23 yoshli yo‘lovchisi ham kuyish jarohati olib kasalxonaga yotqizilgan.
Ko‘rilgan choralar natijasida yong‘in o‘chirilgan. Surishtiruv ishlari olib borilmoqda.
Izoh (0)