Ozarbayjon g‘arbida joylashgan Akstafa tumani Beyuk Kesik qishlog‘idagi dehqon bozorida sodir bo‘lgan otishmada to‘rt kishi halok bo‘ldi, yana uch kishi yaralandi. Bu haqda “TASS” xabar berdi.
Ma’lum bo‘lishicha, voqea mahalliy vaqt bilan taxminan 08:00 da sodir bo‘lgan. Huquq-tartibot organi ma’lumotlariga ko‘ra, Sadixli qishlog‘idan bo‘lgan Elnur Suleymanov Kalashnikov avtomatidan o‘t ochgan.
“Oqibatda qishloq aholisi Sadixli Shargiya Musayeva, uning ikki nafar o‘g‘li Navruz va Shomiddin, shuningdek, shu qishloqdan bo‘lgan Aggel Zaynab Jalilova va yana uch kishi og‘ir tan jarohatlari olgan”, — deyiladi xabarda.
Sodir bo‘lgan voqea yuzasidan jinoiy ish ochilgan. Tezkor-qidiruv va profilaktika choralari natijasida Suleymanov ixtiyoriy ravishda militsiyaga taslim bo‘lgan va jinoyat qurolini topshirgan. Unga nisbatan qamoqqa olish tarzidagi ehtiyot chorasi qo‘llanilgan.
Izoh (0)