Termizda 14-iyun kuni Davlat xavfsizlik xizmati viloyat boshqarmasi va Davlat chegara qo‘shinlari harbiy xizmatchilariga har biri besh qavatli, 30 xonadonli, uch va to‘rt xonadan iborat 3 ta uy foydalanishga berildi. Bu haqda Surxondaryo viloyati hokimligi matbuot xizmati xabar berdi.
Surxondaryo viloyati hokimi, harbiy-ma’muriy sektor rahbari To‘ra Bobolov, Davlat xavfsizlik xizmati viloyat boshqarmasi boshlig‘i, polkovnik Abdug‘ofur Ahmedov harbiy xizmatchilarga xonadon kalitlarini tantanali ravishda topshirdi.
“Zamonaviy loyihalar asosida qurilgan uylar shinam. Ularda barcha qulayliklar yaratilgan. Yana eng muhim jihati, uylar qiymatining 25 foizi davlat tomonidan boshlang‘ich badal sifatida to‘lab berilgan. Qolaversa, mazkur kvartira bizga uzoq muddatga, yillik 7 foizli ipoteka krediti asosida berilgani biz uchun katta g‘amxo‘rlikdir”, — deydi katta leytenant Saidahmad Qurbonov.
Qurilish ishlarida faol qatnashgan bir guruh quruvchilarga ham esdalik sovg‘alar topshirilgan.
Izoh (0)