Sevastopolning Balaklava tuman sudi noqonuniy ravishda bioresurlarni qo‘lga kiritishda ayblangan “YaMK-0041” kemasining kapitani Viktor Noviskiyga hukm chiqardi, deb xabar beradi Meduza.
Sud Noviskiyni 550 ming rubl (8,5 ming dollar) jarimaga tortdi. Biroq “jinoyat vaqtida yetkazilgan zarar 440 ming rublga tengligi” va Noviskiy qamoqqacha ushlab turish muassasasida olti oy saqlangani sabab u jarimadan ozod etilgan.
Noviskiy so‘nggi bir necha oy davomida mamlakatni tark eta olmagan va Qrimdagi kvartiralarning birida ijarada yashab kelayotgan edi. Endilikda u bemalol mamlakatdan chiqib keta oladi.
Ukrainaning “YaMK-0041” kemasi 2018-yil may oyining boshida Qrim qirg‘oqlari yaqinida noqonuniy faoliyati sabab qo‘lga olingan edi. 2018-yilning oktabrida kema ekipaji Ukraina chegarachilari tomonidan qo‘lga olingan Rossiyaning “Nord” kemasi dengizchilariga almashtirilgandi.
Izoh (0)