2019-yilning 8-iyun kuni Penza viloyati hududidan o‘tuvchi M5 “Ural” federal trassasida yuz bergan yo‘l-transport hodisasida uchta avtomobil to‘qnashib ketdi. Bu haqda O‘zbekistonning Qozon shahridagi bosh konsulxonasi ma’lum qildi.
YTH oqibatida bir kishi halok bo‘lgan, olti kishi, jumladan, 1980-yilda tug‘ilgan O‘zbekiston fuqarosi Oliozaxon Omirzanova jarohat olgan.
O.Omirzanova dastlab Nijniy Lomov tuman kasalxonasiga yotqizilgan, keyin Penza viloyat klinik shifoxonasiga o‘tkazilgan. Bemorning holati vrachlar tomonidan “stabil og‘ir” deb baholanmoqda.
Bosh konsulxona o‘zbekistonlik ayolga yordam berish choralarini ko‘rmoqda.
Eslatib o‘tamiz, oldinroq shu trassada yuz bergan YTHda 8 nafar o‘zbekistonlik jarohat olgan, ulardan biri keyinchalik vafot etgandi.
Izoh (0)