Qozog‘istonda 9-iyun, yakshanba kuni navbatdan tashqari prezidentlik saylovlari boshlandi. Mamlakatdagi saylov uchastkalari soat 7.00 da ochildi va 20.00 gacha ishlaydi. Bu haqda “Korrespondent.net” xabar bermoqda.
Saylovlarda 7 nafar nomzod, jumladan, amaldagi davlat rahbari Qosim-Jo‘mart To‘qayev ishtirok etmoqda. U sotsiologik so‘rovlarning mutloq yetakchisi bo‘lib turibdi — To‘qayev uchun saylovchilarning 72,7 foizi ovoz berishga tayyor.
Ikkinchi o‘rinda muxolifat vakili Amirjon Kosanov (7,9 foiz), uchinchi o‘rinda esa mamlakat tarixida ilk ayol nomzod — Daniya Yespayeva (5,4 foiz) qayd etilgan.
Qozog‘iston prezidenti 5 yilga saylanadi. G‘alaba qozonish uchun nomzod saylovchilarning 50 foizdan ko‘prog‘i ovozini to‘plashi kerak.
Izoh (0)