Davlat tashkilotlari vakillari bo‘lgan kuzatuv kengashlari a’zolariga har chorakda 10 mln so‘mdan ko‘p bo‘lmagan haq to‘lanadi

Davlat aktivlarini boshqarish tizimini yanada takomillashtirish chora-tadbirlari to‘g‘risidagi hukumat qarori qabul qilindi. Bu haqda “Huquqiy axborot” kanali ma’lum qildi.

Qarorga muvofiq, xo‘jalik jamiyatlari kuzatuv kengashlari a’zoligiga nomzodlarni ko‘rsatish:

ustav kapitalida davlat ulushi 50 foiz va undan yuqori bo‘lgan xo‘jalik jamiyatlari bo‘yicha — Bosh vazir yoki uning o‘rinbosarlari va maslahatchilari bilan;

ustav kapitalida davlat ulushi 50 foizgacha bo‘lgan xo‘jalik jamiyatlari bo‘yicha — hukumatning tegishli kotibiyatlari bilan kelishgan holda amalga oshiriladi.

Davlat tashkilotlari rahbarlari yoki rahbar o‘rinbosarlari, xodimlari bo‘lgan kuzatuv kengashlari a’zolariga bir chorakda eng kam oylik ish haqining 50 baravaridan ko‘p bo‘lmagan haq to‘lanadi.