Si Szinpin korrupsiyadan holi “Yangi Ipak yo‘li”ni yaratishga va’da berdi

Xitoy rahbari Si Szinpin mamlakatni Yevropa bilan to‘g‘ridan to‘g‘ri bog‘laydigan “Yangi Ipak yo‘li” transport koridorini yaratish bo‘yicha tashabbusni amalga oshirishga va’da berdi. Bu haqda “Liga Novosti” xabar berdi.

Xitoy yetakchisi bu haqda 26-aprel kuni Pekinda, “Bir makon, bir yo‘l” xalqaro forumi ochilishida aytib o‘tdi. Si Szinpin transport yo‘nalishini rivojlantirishda Xitoy korrupsiyaga qarshi butkul toqatsizlik siyosatiga rioya qilishini ta’kidladi.

Xitoy poytaxtida bo‘lib o‘tayotgan forumda deyarli 40 ta davlat va hukumat rahbarlari, jumladan, O‘zbekiston Prezidenti Shavkat Mirziyoyev ham qatnashmoqda.

Si Szinpin 2018-yilning 18-dekabrida Xitoyda korrupsiyaga qarshi kurashda “ishonchli g‘alaba”ga erishilganini ta’kidlagan edi.