Misr bosh vaziri Mustafo Madbuliy qaroriga binoan mamlakatda favqulodda holat tartibi yana uch oyga uzaytirildi, deb xabar berdi “Vedomosti”.
Favqulodda holat tartibi 25-aprel kuni mahalliy vaqt bilan soat 01:00 dan uzaytirilgan. Boshqa qarorga ko‘ra, Sinay yarim orolining Isroil bilan chegaradosh shimoliy qismida komendantlik soati joriy etilgan.
Misrda favqulodda holat tartibi 2017-yilning aprel oyida, ikki cherkovda kamida 45 kishi halok bo‘lgan portlashlardan so‘ng joriy etilgan edi. Shundan buyon hukumat uni doimiy ravishda uch oyga uzaytirib keladi.
Izoh (0)