Toshkent shahar hokimligi Sergeli tumanida qurilgan arzon uy-joylar bo‘yicha aholi tomonidan bildirilayotgan e’tirozlar yuzasidan bayonot berdi.
Toshkent shahar hokimligining ma’lum qilishicha, ushbu e’tirozlarning asosiy qismi narx oshishi bilan bog‘liq:
“Toshkent shahar hokimligi vaziyatni o‘z nazoratiga olgan. Aholi manfaatlaridan kelib chiqib, qonun doirasida ushbu holatni ijobiy hal etish maqsadida tezkor ishchi guruh tuzilib, masala chuqur o‘rganilmoqda. Ishchi guruh tarkibiga Toshkent shahar hokimligi, Oliy Majlisning Inson huquqlari bo‘yicha vakili (ombudsmen), Qurilish vazirligi, banklar hamda “O‘zshaharqurilish invest” injiniring kompaniyasi va boshqa tegishli tashkilotlardan mansabdor shaxslar kiritilgan. Aholi vakillari bilan uchrashib, e’tirozlarini o‘rganish, fuqarolar huquqlarini ta’minlagan holda vaziyatni ijobiy hal etish ishchi guruhning asosiy vazifasi etib belgilangan”.
Izoh (0)