“O‘zbekoziqovqatxolding” XK rahbari o‘zi tahsil olgan maktabga kitoblar to‘plamini sovg‘a qildi

Muhtaram Prezidentimiz xayrli tashabbusni ilgari surib, har bir rahbar o‘zi ta‘lim olgan maktab kutubxonasiga kitoblar sovg‘a qilishga da‘vat etgan edi.“O‘zbekoziqovqatxolding” XK raisi Toxirjon Jalilov Andijon viloyati Buloqboshi tumanidagi o‘zi tahsil olgan 2-maktabda bo‘lib, shaxsiy kutubxonasidan maktab kutubxonasiga kitoblar to‘plamini sovg‘a qildi.

Xolding raisi maktabga tashrifi davomida ta‘lim muassasasi vakillari va o‘quvchilar bilan kitobning inson dunyoqarashi, chuqur bilim va ma‘naviyati shakllanishidagi ahamiyati xususida uchrashuv ham o‘tkazdi.Shuningdek, Toxirjon Jalilov maktabning eng ilg‘or o‘quvchisiga o‘zi uchun qadrli bo‘lgan Filip Kotlerning “Marketing asoslari” kitobini sovg‘a qildi.

Kitob – ma‘naviyat qo‘ri, ezgulik va to‘kislik asosidir. Yaxshi kitob – jon ozig‘i. Bu tashabbus o‘sib kelayotgan yosh avlodning kitobga bo‘lgan qiziqishini, mehrini va intilishini oshirish, kitobxonlikni ommaviylashtirish, ulug‘ bobolarimizga munosib avlodni voyaga yetkazishda muhim hayotiy ahamiyatga egadir.

Reklama huquqi asosida.