Uy-joy kodeksining 32-moddasi ikkinchi qismiga tegishli tuzatishlar kiritildi, deb
yozadi Norma.
Foto: Google ImagesNimalar o‘zgardi?
Quyidagilar turar joy mulkdorining oila a’zolari deb tan olinadi:
- u bilan doimiy birga yashayotgan xotini (eri) va ularning farzandlari – qonun bo‘yicha;er-xotinning ota-onasi (qaynota, qaynona, tahr.), shuningdek mulkdor bilan doimiy birga yashayotgan oilali farzandlari va ularning er-xotini – agar ular ilgari bu huquqqa ega bo‘lmagan bo‘lsa, faqat o‘zaro kelishuvga binoan.
- Mulkdor bilan doimiy yashayotgan oilali farzandlarining er-xotini ikkinchi toifasiga tuzatishlar kiritildi. Ya’ni turar joy mulkdorining kelinlari va kuyovlari haqida so‘z bormoqda
Ushbu o‘zgartirishlar qanchalik ahamiyatli?
Ko‘rsatilgan tuzatishlarning barcha oqibatlarini to‘liq va batafsil ro‘yxat shaklida keltirishning imkoni yo‘q. Faqat quyidagi jihatlarga e’tiboringizni qaratamiz.
Birinchidan, bu ko‘rsatilgan shaxslarning huquq va majburiyatlari hajmiga ta’sir ko‘rsatadi. Masalan, ular oila a’zolari sifatida quyidagi huquqlarga ega bo‘ladilar:
- uydagi, kvartiradagi xonalardan mulkdor bilan tengma-teng foydalanish (basharti ular ko‘chib kirayotganda boshqa shartlar yozma ravishda qayd etilmagan bo‘lsa), hatto u bilan oilaviy munosabatlari barham topganda ham ushbu huquqni saqlab qoladilar;
- mulkdor ularga bergan turar joyga voyaga yetmagan farzandlarini va mulkdorning roziligiga ko‘ra – o‘zining boshqa oila a’zolarini qo‘yish;
- basharti eri (xotini) bilan kamida 1 yil birga yashaganda uning Toshkent va Toshkent viloyatidagi turar joy maydonida doimiy propiskaga ega bo‘lish va h.k.
Ikkinchidan, umuman butun oilaning holatiga ta’sir ko‘rsatadi, masalan:
- bolali oilalarga nafaqa, bolani parvarishlash nafaqasi va kam ta’minlangan oilalarga moddiy yordam tayinlashda – ko‘rsatilgan shaxslarning daromadlari oilaning umumiy jami daromadi miqdoriga ta’sir ko‘rsatadi;
- yashash sharoitini yaxshilashga muhtoj shaxslarni aniqlashda – ularning birga yashashi turar joy maydonining qonunchilikda nazarda tutilgan ijtimoiy normaga nomuvofiqligini keltirib chiqarishi mumkin va h.k.
Qonun “Xalq so‘zi” gazetasida chop etilgan va 2019-yil 5-apreldan kuchga kirdi.
Izoh (0)