4-aprel kuni huquqni muhofaza qiluvchi organlarga kelib tushgan xabarga ko‘ra, 2017-yilning mart oyidan aprel oyigacha bo‘lgan muddat davomida Yunusobod tumanida 46 yoshli Gulruh E. o‘zini advokat deb tanishtirib, 49 yoshli Ziyoda M.ga hibsga olingan turmush o‘rtog‘ini oqlashni va’da qilgan. Bu haqda IIBB matbuot xizmati ma’lum qildi.
Gulruh E. “xizmati” uchun 6700 AQSh dollari olib, pullarni o‘z ehtiyojiga sarflab yuborgan. Unga nisbatan Jinoyat kodeksining 168-moddasi 2-qismi (“Firibgarlik”) bo‘yicha jinoiy ish qo‘zg‘atildi.
“Hurmatli fuqarolar! O‘zlarini turli xil mutaxassis deb tanishtiradigan odamlarning gaplariga ishonmang. Siz murojaat qilgan mutaxassis haqiqatdan ham tegishli idorada ishlashini aniqlashtirib oling”, deyiladi xabarda.
Izoh (0)