4 апрель куни ҳуқуқни муҳофаза қилувчи органларга келиб тушган хабарга кўра, 2017 йилнинг март ойидан апрель ойигача бўлган муддат давомида Юнусобод туманида 46 ёшли Гулруҳ Э. ўзини адвокат деб таништириб, 49 ёшли Зиёда М.га ҳибсга олинган турмуш ўртоғини оқлашни ваъда қилган. Бу ҳақда ИИББ матбуот хизмати маълум қилди.
Гулруҳ Э. «хизмати» учун 6700 АҚШ доллари олиб, пулларни ўз эҳтиёжига сарфлаб юборган. Унга нисбатан Жиноят кодексининг 168-моддаси 2-қисми («Фирибгарлик») бўйича жиноий иш қўзғатилди.
«Ҳурматли фуқаролар! Ўзларини турли хил мутахассис деб таништирадиган одамларнинг гапларига ишонманг. Сиз мурожаат қилган мутахассис ҳақиқатдан ҳам тегишли идорада ишлашини аниқлаштириб олинг», дейилади хабарда.
Изоҳ (0)