Germaniya yetti yil ichida ilk bor Birlashgan Millatlar Tashkilotining Xavfsizlik kengashiga boshchilik qildi, deya xabar beradi “Korrespondent”.
Germaniya Tashqi ishlar vaziri Xayko Mas 1-aprel kuni Fransiya Tashqi ishlar vaziri Jan-Iv Le Drianni Xavfsizlik kengashi raisi lavozimida almashtirish uchun Nyu-Yorkka uchib ketdi.
Germaniya va Fransiya Xavfsizlik kengashi raisligida navbatdagi ikki oy muddatda “birga” bo‘lishga kelishib oldi.
“Biz BMT Xavfsizlik kengashining raisi lavozimida zimmamizga oladigan mas’uliyatdan xabardormiz”, — dedi Mas Nyu-Yorkka parvozdan oldin.
Germaniya shu yilning boshidan Xavfsizlik kengashining doimiy bo‘lmagan 10 nafar a’zolari ro‘yxatiga kirdi. Shu bilan birga, Fransiya, Qo‘shma Shtatlar, Rossiya, Xitoy va Buyuk Britaniya bilan birgalikda veto huquqiga ega dunyo tashkilotining doimiy a’zosiga aylandi.
Aprel oyi oxirigacha Germaniya BMT Xavfsizlik kengashi yig‘ilishiga rahbarlik qilib, kun tartibini tayyorlashda ishtirok etadi va bir qator mavzularini muhokama qilish uchun tashabbus bildiradi. Germaniya hukumati qurolli to‘qnashuvlarda ayollarga nisbatan jinsiy zo‘ravonlik, tinchlikni saqlash, qurolsizlanish va qurol nazorati masalalarida ayollarning rolini oshirish kabi mavzularni ilgari surishini ma’lum qilgan.
Xayko Mas inqirozli mintaqalarda gumanitar xodimlarning holatiga e’tibor qaratmoqchi.
O‘tgan hafta BMT Xavfsizlik kengashi bir ovozdan terrorizmni moliyalashtirishga qarshi kurashish to‘g‘risidagi qarorni qabul qildi. Ushbu hujjat Fransiya tomonidan taklif qilingan.
Izoh (0)