Германия етти йил ичида илк бор Бирлашган Миллатлар Ташкилотининг Хавфсизлик кенгашига бошчилик қилди, дея хабар беради «Корреспондент».
Германия Ташқи ишлар вазири Хайко Мас 1 апрель куни Франция Ташқи ишлар вазири Жан-Ив Ле Дрианни Хавфсизлик кенгаши раиси лавозимида алмаштириш учун Нью-Йоркка учиб кетди.
Германия ва Франция Хавфсизлик кенгаши раислигида навбатдаги икки ой муддатда «бирга» бўлишга келишиб олди.
«Биз БМТ Хавфсизлик кенгашининг раиси лавозимида зиммамизга оладиган масъулиятдан хабардормиз», — деди Мас Нью-Йоркка парвоздан олдин.
Германия шу йилнинг бошидан Хавфсизлик кенгашининг доимий бўлмаган 10 нафар аъзолари рўйхатига кирди. Шу билан бирга, Франция, Қўшма Штатлар, Россия, Хитой ва Буюк Британия билан биргаликда вето ҳуқуқига эга дунё ташкилотининг доимий аъзосига айланди.
Апрель ойи охиригача Германия БМТ Хавфсизлик кенгаши йиғилишига раҳбарлик қилиб, кун тартибини тайёрлашда иштирок этади ва бир қатор мавзуларини муҳокама қилиш учун ташаббус билдиради. Германия ҳукумати қуролли тўқнашувларда аёлларга нисбатан жинсий зўравонлик, тинчликни сақлаш, қуролсизланиш ва қурол назорати масалаларида аёлларнинг ролини ошириш каби мавзуларни илгари суришини маълум қилган.
Хайко Мас инқирозли минтақаларда гуманитар ходимларнинг ҳолатига эътибор қаратмоқчи.
Ўтган ҳафта БМТ Хавфсизлик кенгаши бир овоздан терроризмни молиялаштиришга қарши курашиш тўғрисидаги қарорни қабул қилди. Ушбу ҳужжат Франция томонидан таклиф қилинган.
Изоҳ (0)