2018-yili Tojikiston sudlari 2,5 ming nafar voyaga yetmagan qizlar bilan nikoh tuzilishiga ruxsat berdi. Mamlakatda har kuni o‘rtacha 6-7 nafar 18 yoshga yetmagan qiz turmushga chiqmoqda. Bu haqda Tojikiston Oliy sudi ma’lum qildi, deya xabar beradi Zarnews.
Mamlakat qonunlarida nikoh yoshi 18 yosh deya belgilangan. Biroq, istisno tariqasida — erta homiladorlik yoki ota-onalarning og‘ir kasalligi tufayli sud qarori bilan 17 yoshda nikohdan o‘tishga ruxsat beriladi.
Tojikistonda 2010-yili Oila kodeksiga qo‘shimcha kiritilib, qizlar uchun nikoh yoshi 17 yoshdan 18 yoshga uzaytirildi. Biroq erta va majburiy nikoh hamon muammoligicha qolmoqda, keyingi vaqtlarda esa sovchilar 17 yoshdan katta bo‘lmagan qizlarni qidirmoqda.
Mamlakat huquq-tartibot idoralari ma’lumotlariga ko‘ra, o‘tgan yili voyaga yetmagan qizlar bilan noqonuniy nikohdan o‘tishga oid 29 ta fakt fosh qilingan.
Izoh (0)