Xo‘jaylida ikki Nexia to‘qnashuvi oqibatida 1 kishi vafot etdi
27-mart kuni Qoraqalpog‘iston Respublikasining Xo‘jayli tumanida vaqtincha yashovchi M.Yu boshqaruvidagi Nexia rusumli avtomashinasini Tazgara ovuli hududidan o‘tuvchi “Nukus-Chimboy-Taxtako‘pir” yo‘lining 58-kilometrda haydab ketayotib, qarama-qarshi yo‘nalishda harakatlanib kelayotgan fuqaro D.P boshqaruvidagi Nexia rusumli avtomashinasi bilan to‘qnashuv sodir etgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar berdi.
Natijada haydovchilar D.P va M.Yu hamda M.Yu. boshqaruvidagi Nexia avtomashinasida bo‘lgan yo‘lovchi G.Klar jarohat olib kasalxonaga yotqizilgan. Ko‘rsatilgan tibbiy muolajalarga qaramay yo‘lovchi G.K vafot etgan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
