Joriy yil 23—26-mart kunlari Samarqandda o‘tkazilgan “Qizlarjon” o‘quvchi-qizlar sammitida voyaga yetmagan farzandlari bo‘lgan ota-onalarni uzoq muddatga chet elga ishlash uchun chiqishlarini cheklash maqsadida qonun qabul qilish haqidagi murojaat qabul qilingandi.
Xalq ta’limi vazirligi matbuot xizmatiga ko‘ra, sammit doirasida ishtirokchilar Oliy Majlis Qonunchilik palatasi deputatlariga o‘zlarini qiziqtirgan va tashvishga solgan masalalari bilan murojaat etdi. Ochiq muloqot tarzida o‘tgan sammitda ishtirokchilar tomonidan turli mavzularga oid takliflar berildi.
Tadbir ishtirokchisi voyaga yetmagan farzandlari bo‘lgan onalarni uzoq muddatga chet el mamlakatlariga ishlash uchun chiqishlarini cheklash maqsadida qonun qabul qilish bo‘yicha taklif bergan.
Bu taklif qizlarning atrofdagi voqealarni o‘rganishlari asosida berilgan. Ya’ni, ota-onalari xorijga ishga ketgan ayrim yoshlar turli nojo‘ya ishlar, jumladan , jinoyatchilikka ham aralashib qolmoqda.
Mazkur taklif hech kim tomonidan ataylab uyushtirilmagan. Taklif bergan qizlarning voyaga yetmaganligini hisobga olib, sammit davomida mutaxassislar tomonidan qonun inson manfaatlariga zid bo‘lmasligi va bu mazmundagi normativ hujjatlar fuqarolarning erkinligini cheklashiga olib kelishi haqida batafsil tushuncha berildi.
Izoh (0)