Samarqandda yaponiyalik sayyohning pasporti bir kunda topib berildi

Samarqandga mehmon bo‘lib kelgan Yaponiyaning Kioto shahrida yashovchi Maruo Yuko 23-mart kuni o‘ziga tegishli bo‘lgan fuqarolik pasportini yo‘qotib qo‘ygan. Yaponiyalik sayyoh viloyat IIB Xavfsiz turizmni ta’minlash boshqarmasiga pasporti yo‘qolganligi bo‘yicha murojaat qilgan.

Samarqand viloyat Ichki ishlar boshqarmasi matbuot xizmatining “Daryo”ga ma’lum qilishicha, Maruo Yuko aviakassadan chipta olib, o‘sha yerda pasportini unutib qoldirgan. Murojaatdan so‘ng viloyat IIB Xavfsiz turizmni ta’minlash boshqarmasi xodimlari tomonidan olib borilgan tezkor qidiruv natijasida yaponiyalik sayyohga tegishli bo‘lgan fuqarolik pasporti 24-mart kuni topilgan.

Xavfsiz turizmni ta’minlash boshqarmasi tomonidan tarmoq orqali yaponiyalik Maruo Yuko joylashgan mehmonxonaga aniqlik kiritilib, unga pasporti yetkazilgan.