27 март куни Қорақалпоғистон Республикасининг Хўжайли туманида вақтинча яшовчи М.Ю бошқарувидаги Nexia русумли автомашинасини Тазгара овули ҳудудидан ўтувчи «Нукус-Чимбой-Тахтакўпир» йўлининг 58-километрда ҳайдаб кетаётиб, қарама-қарши йўналишда ҳаракатланиб келаётган фуқаро Д.П бошқарувидаги Nexia русумли автомашинаси билан тўқнашув содир этган. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар берди.
Натижада ҳайдовчилар Д.П ва М.Ю ҳамда М.Ю. бошқарувидаги Nexia автомашинасида бўлган йўловчи Г.Клар жароҳат олиб касалхонага ётқизилган. Кўрсатилган тиббий муолажаларга қарамай йўловчи Г.К вафот этган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)