Toshkent shahrida xizmat qilayotgan ichki ishlar xodimlarining faoliyatiga mobil ilova orqali baho berish imkoniyati yaratildi. Bu haqda Toshkent shahar IIBBda bo‘lib o‘tgan “Xavfsiz shahar” mobil ilovasi taqdimotida aytib o‘tildi.
Taqdimotda aytilishicha, mobil ilovaga tuman, mahalla manzilini kiritgan holda, u yerda xizmat o‘tayotgan inspektor haqida ma’lumot olish, ularning ishiga “beshta yulduz” tartibida fikr bildirish va izoh qoldirish mumkin. Fuqarolar tomonidan qoldirilgan izohlar tahlil qilinadi va xodimlar ishi tegishli tartibda ko‘rib chiqiladi.
Ilovaning o‘zbek, ingliz va rus tilli versiyalari yaratilgan. Shuningdek, unga eng yaqin IIB punktlari haqida ma’lumot va zarur xizmatlarning telefon raqamlari kiritilgan. Telegram bot orqali murojaat qilish, sohaga doir yangiliklarni kuzatib borish imkoniyati ham mavjud.
Izoh (0)