«Hashar wеек» лойиҳасининг илк манзили Булоқбоши бўлди

Чекка туманлар, қишлоқлар ва маҳаллалардаги экин майдонлари сифатида фойдаланилаётган айрим дала майдонларининг йўллари чиқиндихоналарга айланмоқда. Ана шундай манзиллардан бири Андижон вилояти, Булоқбоши туманидаги «Зарғалдоқ» маҳалласининг тўқайзор йўллари эди, дея хабар беради ЎзА.

Бу йўллар шу ерлик аҳоли томонидан зовур бўйларига тўкилган турли чиқиндиларга тўлиб кетганлиги ҳавонинг ифлосланишига олиб келган. Ўзбекистон ёшлар иттифоқи Булоқбоши туман кенгаши, «Автойўл» қурилиш корхонаси, «Зарғалдоқ» МФЙ бу йўл билан танишиб чиқиб, дастурга киритди. Янги ҳафтадан йўлларни таъмирлаш ишлари олиб борилиши ҳақида келишиб олинди.

Ёшлар иттифоқи Булоқбоши туман кенгаши ташаббуси билан тўқайзорда «Hashar wеек» лойиҳаси ташкил этилди. Лойиҳада мактаб ўқувчилари, бандлиги таъминланмаган ёшлар, туман кенгаши ходимлари, етакчилар кенгаши аъзолари ҳамда ёшлар етакчилари иштирок этди.

Лойиҳа давомида ташландилар махсус қопларга солиниб, юк машинасига ортилди.