Qoraqalpog‘iston Respublikasi Yong‘in xavfsizligi boshqarmasi xodimlari Navro‘z ayyomining milliy taomi — sumalak tayyorladi. Bu haqda O‘zA xabar berdi.
Sumalak to‘la qaynab bo‘lgach, unda Orol dengizining to‘lin paytidagi xaritasiga o‘xshash surat paydo bo‘ldi.
— Har yilgi an’anamizga ko‘ra 15 soat sumalak qaynatdik, uni aralashtirish paytida eng ezgu tilaklarimizni tiladik, — deydi boshqarma xodimlari Janabergen Pirjanov va Ruslan Xamitov. — Sumalak to‘liq pishgandan so‘ng ertasiga qozon qopqog‘ini ochsak, Orol dengizining to‘lin paytidagi xaritasiga o‘xshash rasm paydo bo‘lganiga guvoh bo‘ldik. Ilgari turfa xil manzaralar, aksariyat hollarda qushning rasmi paydo bo‘lardi. Lekin Orol dengizi ilk bor namoyon bo‘lmoqda.
Izoh (0)