“Bu filmda qiynalganchalik boshqa filmlarda qiynalmaganman”. Alisher Uzoqov premyerasiga kelolmagan “Elparvar” filmi haqida

Alisher Navoiy nomli kinosaroyida “Elparvar” filmining premyerasi bo‘lib o‘tdi. Filmda bosh rollardan birini ijro etgan aktyor Alisher Uzoqov noma’lum sabablarga ko‘ra premyeraga kelmadi. Alisher Uzoqov “Elparvar” filmi haqida o‘zining Instagram’dagi sahifasida quyidagi so‘zlarni yozib qoldirgan.

Bugun navbatdagi suratga tushgan filmim premyerasi. Rostini aytaman, bu filmda qiynalganchalik boshqa filmlarda qiynalmaganman. O‘zimni ushlashga ko‘p vaziyatlarda harakat qildim. Qaysidir jabhalarda buning uddasidan chiqdim. Lekin hamma vaziyatda ham emas. Buning uchun ijodiy guruhdan uzr so‘rayman. Rejissor Abduvohid G‘aniyevga juda ham qiziq jarayon uchun rahmat. Bu film barchaga yoqadi degan umiddaman.

Alisher Uzoqov, aktyor va rejissor