15-mart kuni bo‘lib o‘tgan Humo Arena ko‘p tarmoqli muz saroyining ochilish marosimida rossiyalik taniqli xonanda Dima Bilan oyog‘ini ikki joyidan sindirib olgani va oqsoqlanishiga qaramay ishtirok etdi, deb xabar berdi “Daryo” muxbiri Sevara Nishonova.
Bilan o‘zbekistonlik muxlislari bilan qiziq holatda ko‘rishib turgani, ammo shunday bo‘lsa ham uchrashuvdan boshi osmonga yetganini ma’lum qildi. Marosim mehmonlari Dima Bilanni olqishlar va qiyqiriqlar bilan qarshi oldi.
Xonanda 23-fevral kuni muz ustida uchayotganida oyog‘ini sindirib olgan edi. Shundan so‘ng Bilanning oyog‘i operatsiya qilinib, temir plastinka o‘rnatilgan.
Xonanda ushbu holatga qaramay belgilangan konsertlarini bekor qilmadi. Hatto operatsiyadan bir kun avval ham Sankt-Peterburg shahrida konsert bergan.
Bilan dastlab muxlislariga raqsbop “Derji” qo‘shig‘ini ijro etib berdi. So‘ng ancha yillar avval yaratilgan va xonandaga mislsiz shuhrat keltirgan “Na beregu neba” taronasi yangradi.
Xonanda Toshkentdagi chiqishi taassurotlari bilan Instagram’dagi sahifasida quyidagicha o‘rtoqlashdi:
https://www.instagram.com/p/BvCGTWdlbCr/
Tadbir boshlovchisi Nikolay Baskov Dima Bilanga “Toshkent quyoshi va muxlislar mehri uning oyog‘i tuzalishiga albatta hissa qo‘shishi”ni aytib o‘tdi.
Izoh (0)