Alisher Navoiy nomli kino saroyida rejissor Abduvohid G‘aniyev, prodyuser Zafar Yo‘ldoshevlar tomonidan suratga olingan “Elparvar” filmining premyerasi bo‘lib o‘tdi.
Jurnalist Feruz Muhammad mazkur premyerada mehmon bo‘ldi va reportaj tayyorladi.
Filmning suratga olish ishlari Buxoro va Xiva shaharlari hamda Toshkent viloyatida bo‘lib o‘tgan.
Bosh rollarni yosh aktyor Abdug‘ofur Isaxanov hamda aktrisa Feruza Yusupovalar ijro etgan.
Bundan tashqari O‘zbekiston xalq artisti Muhammad Rafikov, Shafoat Rahmatullayeva, O‘zbekistonda xizmat ko‘rsatgan artist Fotih Jalolov, Tohir Saidov, Seydulla Moldaxanov, Lola Eltoyeva, Farhod Abdullayev, aktyorlar Alisher Uzoqov, Jamshid Sagatov, Turg‘un Beknazarov, Anjelika Esimbetova, Azim Yo‘ldoshev singari aktyor va aktrisalar filmda turli rollarni ijro etishgan.
Operator Rustam Murodov, ikkinchi rejissor Dilbar Yusupova, montaj rejissori Xurshid Alixo‘jayev, montaj rejissori yordamchisi Tohir Nabiyev, grafika ustasi Lazizxon G‘aniyev, kartina direktorlari Hotam Hamroyev, Qudrat Shobilolov, ovoz rejissori Konstantin Filanov, liboslar bo‘yicha rassom Nina Dobrina, bastakor Artyom Kim boshchiligidagi “Omnibus” ansambli va boshqalar.
Izoh (0)