“O‘zbekkino” Milliy agentligi Badiiy kengashi tomonidan muallif Ismoil Shomurodovning “Sayyoh” nomli ko‘p qismli multfilm ssenariysi ma’qullandi, deb xabar berdi agentlik matbuot xizmati.
Ushbu ssenariy “O‘zbekkino” Milliy agentligiga “Astir animation studio” tomonidan taqdim etilgan. 2018-yildan ishlab chiqilgan va ko‘pchilikning etirofiga sazovor bo‘lgan “Avto sarguzashtlar” multfilmi ham shu jamoaga tegishli.
“Sayyoh”animatsion filmi ko‘p qismli multserial bo‘lib, rejaga muvofiq ushbu multfilmning 3 ta qismi 2019-yilda ishlab chiqarilishi mo‘ljallangan va har qanday yoshdagi tomoshabinlar ko‘rishi mumkin bo‘ladi.
Ushbu multfilmda chet davlatdan O‘zbekistonga sayyoh bo‘lib kelgan mehmon O‘zbekistonning so‘lim qishloqlaridan birida o‘zbek yigit bilan tasodifiy uchrashuv natijasida tanishib, do‘stlashib qoladi. Multfilmning har bir qismida ikkala do‘st ajoyib sarguzashtlarni boshidan kechiradi.
Izoh (0)