16-mart kuni Mudofaa vazirligi qo‘shinlarida “Ikki juft ko‘chat tuhfasi” aksiyasi doirasida minglab yosh ko‘chatlar ekildi, navqiron daraxtlar parvarish qilindi. Bu haqda Mudofaa vazirligi matbuot xizmati “Daryo”ga xabar berdi.
Xususan, Qurolli Kuchlar akademiyasi, Toshkentdagi Urush va mehnat faxriylarining pansionati hududlariga harbiy xizmatchilar hamda kursantlar tomonidan minglab yosh ko‘chatlar o‘tqazildi. Ular orasida manzarali va uzoq umr ko‘ruvchi daraxtlar mavjud. Shuningdek, kun davomida daraxtlar butalandi, oqlandi, ariq va ko‘chalar xazondan tozalandi. Xususan, Sharqona yangi yilga katta tayyorgarlik ko‘rildi.
Aksiyada Mudofaa vazirligiga qarashli barcha harbiy okruglar, bo‘linmalarning harbiy xizmatchilari ishtirok etmoqda.
Ma’lumot uchun, Vazirlar Mahkamasining tegishli farmoyishiga asosan butun respublika bo‘ylab “Yashil xiyobon”lar tashkil etilgan. Unga ko‘ra, 2019-yil bahor mavsumida 150 milliondan oshiq manzarali va mevali daraxt hamda buta ko‘chatlari ekilishi rejalashtirilgan.
Izoh (0)