13-mart, chorshanba kuni Yevropa Chempionlar Ligasi 1/8 finali javob o‘yinida “Barselona” o‘z uyida “Lion”ni qabul qildi.
Uchrashuvda kataloniyaliklar 5:1 hisobida g‘alaba qozondi. Mezbonlar safida gollarga Leo Messi (2 ta), Filippe Koutinyo, Jerar Pike va Usmon Dembele mualliflik qilgan bo‘lsa, “Lion”ning yagona javob goli Tuzar hisobiga yozildi.
Shu tariqa ikki o‘yin natijasiga ko‘ra, 5:1 hisobida g‘alaba qozongan “Barselona” chorak final yo‘llanmasini qo‘lga kiritdi.
YChL
1/8 final javob o‘yini
“Barselona”—“Lion” 5:1
Gollar:1:0 – 17, penalti Messi, 2:0 – 31 Koutinyo, 2:1 – 58 Tuzar, 3:1 – 78 Messi, 4:1 – 81 Pike, 5:1 – 86 Dembele.Barselona – ter Shtegen, Pike, Alba, Serji Roberto (Nelson Semedu, 83), Langle, Rakitich, Buskets, Artur (Vidal, 74), Koutinyo (Dembele, 70), Messi, Suares.
Lion – Antoni Lopesh (Gorjlen, 34), Marselo, Marsal, Mendi (Korne, 77), Denayer, Depay (Traore, 73), Tuzar, Fekir, Ndombele, Dyubua, Dembele.
Ogohlantirishlar: Marsal (33), Dembele (45), Langle (49).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)