“Real”ga yangi bosh murabbiy etib tayinlagan Zinedin Zidan klubga qaytgani borasidagi fikrlari bilan bo‘lishdi.
Bu hamma uchun o‘ziga xos kun ekanligini bilaman. Eng muhimi, bu yerga qaytib kelganimdan xursandman. “Real Madrid”ni munosib joyga qaytarish uchun ertadan ish boshlayman.Bu katta mas’uliyat. Men jamoaning faqatgina bitta a’zosiman.
Men biz erishgan yutuqlarni unutmadim, lekin o‘tgan mavsumdagi muvaffaqiyatsizliklarni ham unutganimcha yo‘q. Biz La Ligada g‘alaba qozona olmadik, biz Ispaniya Kubogini qo‘ldan boy berdik. Ha, biz Yevropa Chempionlar Ligasida yutdik, bu yaxshi. Ammo men qanday klubda ekanligimni yaxshi bilaman.
Bizda 11 ta uchrashuv qoldi. Asosiy vazifamiz mavsumni yaxshi yakunlash.
Men “Real”dan ketish kerak bo‘lgan vaqtda ketdim. Ha, ketishni unchalik ham istamadim, lekin ikki yarim yil ichida deyarli hamma narsaga erishdik, shu boisdan ham klubga biroz tanaffus kerak edi.
Menga turli takliflar tushdi, ammo qandaydir klubga borishni emas, balki shu yerga kelishni istadim.
So‘nggi to‘qqiz oyni Madridda o‘tkazdim va kuch to‘pladim. Endi men bu buyuk jamoa bilan yangi chaqiruvlarga tayyorman.
Zinedin Zidan, “Real Madrid” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)