Moskvada Markaziy Osiyo fuqarolari o‘z vatandoshlarini zo‘rladi

12-mart kuni Moskva g‘arbidagi kvartiralarning birida qizlarni zo‘rlagan erkaklar O‘rta Osiyo fuqarolari ekanligi aniqlandi, deb xabar berdi Sputnik.

Qayd etilishicha, Moskva huquq-tartibot organlari tomonidan turli manzillarda yashovchi uch nafar gumondor qo‘lga olingan va holat yuzasidan jinoiy ish qo‘zg‘atilgan.

“Jabrdiydalar ham, jinoyat sodir etgan shaxslar ham O‘rta Osiyo fuqarolaridir”, — deyiladi xabarda.

Aniqlanishicha, qizlar hech qayerda ishlamagan, shu bilan birga talonchilar ularning zargarlik buyumlari, mobil telefonlari va pullarini o‘g‘irlab ketgan.

Bosqinchilar jabrlanuvchilarga pnevmatik qurol bilan tahdid qilgan.

Moskva Tergov qo‘mitasi bosh tergov qo‘mitasi matbuot-xizmati xabariga ko‘ra, qizlar “pul evaziga intim xizmat ko‘rsatgan”.

1987, 1994 va 1996-yilda tug‘ilgan shaxslar har biri jinoyatda qanday rol o‘ynaganiga ko‘ra Rossiya JKning 131-moddasi 2-qismi “b” bandi (nomusga tegish), 132-moddasi 2-qismi (jinsiy xarakterdagi zo‘ravonlik harakatlari), va 162-moddasi 3-qismi (talon-taroj)da nazarda tutilgan jinoyatlarni sodir etganlikda gumonlanmoqda.