Xitoyning Sinszyan-Uyg‘ur muxtor viloyati rahbari Shohrat Zakirning ma’lum qilishicha, ommaviy musulmonlar bo‘lgan kasbiy qayta tayyorlash markazlari kelajakda yopilishi mumkin. Bu haqda South China Morning Post xabar berdi.
“Lagerlar miqdori ham, ulardagi odamlar soni ham kamayib boradi. Agar jamiyat bunday o‘qitish markazlariga muhtoj bo‘lmasa, ular asta-sekin yo‘q bo‘lib ketadi”, — degan u.
Xabarda aytilishicha, Shohrat Zakir musulmonlar uchun lager vaqtinchalik chora ekanligini ochiq aytgan Xitoy hukumatining birinchi vakili bo‘lgan. U mahbuslarning aniq sonini ayta olmagan, biroq ular milliondan kamroq ekanligini ta’kidlagan.
Ularda siyosiy jihatdan qayta tarbiyalash maqsadida millionga yaqin uyg‘urlar va boshqa millat vakillaridan iborat musulmonlar borligi ma’lum bo‘lganidan so‘ng lagerlar xalqaro hamjamiyat e’tiborini o‘ziga jalb etgan.
Pekinda bunday markazlar ekstremizmga qarshi kurashish dasturining bir qismi ekanligi ta’kidlanadi. Shu bilan birga, qayta tarbiyalashdan o‘tganlarning so‘zlariga qaraganda, bundan lagerlarda odamlar qiynoqqa solinadi.
Izoh (0)