Москвада Марказий Осиё фуқаролари ўз ватандошларини зўрлади

12 март куни Москва ғарбидаги квартираларнинг бирида қизларни зўрлаган эркаклар Ўрта Осиё фуқаролари эканлиги аниқланди, деб хабар берди Sputnik.

Қайд этилишича, Москва ҳуқуқ-тартибот органлари томонидан турли манзилларда яшовчи уч нафар гумондор қўлга олинган ва ҳолат юзасидан жиноий иш қўзғатилган.

«Жабрдийдалар ҳам, жиноят содир этган шахслар ҳам Ўрта Осиё фуқароларидир», — дейилади хабарда.

Аниқланишича, қизлар ҳеч қаерда ишламаган, шу билан бирга талончилар уларнинг заргарлик буюмлари, мобил телефонлари ва пулларини ўғирлаб кетган.

Босқинчилар жабрланувчиларга пневматик қурол билан таҳдид қилган.

Москва Тергов қўмитаси бош тергов қўмитаси матбуот-хизмати хабарига кўра, қизлар «пул эвазига интим хизмат кўрсатган».

1987, 1994 ва 1996 йилда туғилган шахслар ҳар бири жиноятда қандай рол ўйнаганига кўра Россия ЖКнинг 131-моддаси 2-қисми «б» банди (номусга тегиш), 132-моддаси 2-қисми (жинсий характердаги зўравонлик ҳаракатлари), ва 162-моддаси 3-қисми (талон-тарож)да назарда тутилган жиноятларни содир этганликда гумонланмоқда.