Motorola kompaniyasi ancha vaqtdan beri buklama-smartfon ishlab chiqarilishi haqida ma’lum qilgandi. Aniqlanishicha, Motorola’ning yangi buklama-smartfoni boshqa buklanuvchan smartfonlardan farq qiladi, deb yozadi Hi-tech.mail.ru.
Nashrining yozishicha, yangi smartfon dizayni avvalgisidan tubdan farq qiladi.
Yangi Razr smartfoni 2142×876 pikselli 6,2 dyuymli displeyga ega bo‘ladi. Smartfon korpusida yana bir kichik displey joylashib, unda smartfon yopiq turganda bildirishnomalar va qo‘ng‘iroqlar ko‘rinadi.
Motorola Razr uch xil rangda chiqarilishi kutilmoqda: oq, qora va tilla.
Ushbu smartfon Snapdragon 710 protsessorida ishlaydi va u to‘rt yoki sakkiz gigabayt operativ xotiraga ega bo‘ladi. Doimiy xotira esa modelidan kelib chiqqan holda 64 yoki 128 gigabaytli bo‘ladi.
Dastlabki ma’lumotlarga ko‘ra, Motorola Razr buklama-smartfonining narxi 1500 dollar atrofida bo‘lishi kutilmoqda.
Izoh (0)